سکیورٹی فورسز دے خیبر پختونخوا دے مختلف علاقیاں اچ آپریشنز، 23 دہشت گرد جہنم واصل ، پاک فوج دے کیپٹن سودھے 7 جوان شہید

راولپنڈی۔27مئی (اے پی پی) سکیورٹی فورسز دے خیبر پختونخوا دے مختلف علاقیاں اچ آپریشنز، 23 دہشت گرد جہنم واصل ، پاک فوج دے کیپٹن سودھے 7 جوان شہید تھی ڳئے۔ آئی ایس پی آر موجب 26-27 مئی 2024 کوں سکیورٹی فورسز صوبہ خیبر پختونخوا اچ ترائے انڄ اںج آپریشنز اچ 23 دہشت گرد کوں جنہم واصل کیتا۔ 26 مئی کوں پشاور دے ضلع حسن خیل دے علاقے اچ انٹیلی جنس آپریشن کیتا۔ ایں آپریشن اچ کیپٹن حسین جہانگیر اتے حوالدار شفیق اللہ شہید تھی ڳئے۔ سکیورٹی فورسز دی باغ دے علاقے اچ کارروائی اچ ݙو دہشت گرد ماریے ڳئے۔ تریجھی کاروائی اچ سکیورٹی فورسز ضلع خیبر دے علاقے باغ اچ 7 دہشت گرداں کوں جہنم واصل کیتے جڈانجو ݙودہشت گرد ماریے ڳئے۔ فائرنگ دے تبادلے اچ پںج بہادر سپاہی نائیک محمد اشفاق بٹ، لانس نائیک سید دانش افکار ، سپاہی تیمور ملک ، سپاہی نادر صغیر اتے سپاہی محمد یاسین شہید تھی ڳئے۔ ماریے ڳئے دہشت گرداں توں وݙی مقدار اچ اسلحہ، گولہ بارود اتے دھماکہ خیز مواد وی برآمد تھیا۔

مضمون کا ماخذ : پاور بال لاٹری

متعلقہ مضامین