صدر مملکت ڈاکٹر عارف علوی داخصوصی بالاں اچ وہیل چیئرز تقسیم کرنڑ دی تقریب توں خطا ب
APP27-15
ISLAMABAD: July 15 - President Dr. Arif Alvi addressing the 44th International Nathiagali Summer College on Physics and Contemporary needs. APP
اسلام آباد ۔ 15 جولائی (اے پی پی) صدر مملکت ڈاکٹر عارف علوی سونوار کوں ایوان صدر اچ خصوصی بالاں اچ وہیل چیئرز تقسیم کرنڑ دی تقریب توں خطا ب کریندے ہوئیں آکھیا جو مالی اوکھ دے باوجود حکومت پسے ہوئے طبقے سانگے سپورٹ پروگرام اتے احساس پروگرام دے بجٹ اچ ڈوگنا ودھارا کیتے، مخیر حضرات کوں وی ایں بارے اگی تے ودھ تے اپنڑاں کردار ادا کرنڑ چاہیدے۔ انہاں آکھیا جو معذور لوکیں دا خیال رکھنڑ آلے معاشراں تے اللہ دی رحمتاں نازل تھیندن۔ انہاں آکھیاجوہک اندازے مطابق پاکستان اچ 10 توں 15 فیصد لوک معذورہن۔ معذوری کوئی عیب کائنی بلکہ ایہ اللہ سائین دے نظام تحت ہے۔ انہاں آکھیا جو معاشرے دیاں کجھ ذمہ داریاں ہن،جنہاں اچ معذور لوکیں کوں انہاں دی سہولت کیتے وہیل چیئرز سمیت انہاں دی بی ضرورتاں پوریاں کرنڑشامل ہے۔ مخیر حضرات ایں حوالے نال اگی تے آونڑ چاہیدے ۔ انہوں آکھیا جو حضرت محمد ﷺ دا اسوہ حسنہ اساڈے کیتے مشعل راہ ہے۔ منیجنگ ڈائریکٹر پاکستان بیت المال عون عباس بپی تقریب توں خطاب کریندے ہوئیں خصوصی بالاں کیتے ایوان صدر کھولنڑ تے صدرمملکت دا شکر یہ ادا کیتا۔ انہاں آکھیا جومعذولوکیں کوں وہیل چیئرز ڈیونڑ سانگے ایپ بنڑیندے پئے ہسے ،جیندی مدد نال معذورلوک آن لائن وہیل چیئر سانگے اپلائی کر سگسن اتے انہاں کوں 15 ڈینھ اند گھر وہیل چیئر مل ویسی۔ ابتدائی طورتے ایہ پروگرام ملک دے 12 ضلعیاں اچ شروع کیتا ویندا پئے ۔ ایں موقع تے مخصوص بالاں کرکٹ کھیڈ تے اپنڑیاں صلاحیتاں ڈکھائیاں ۔ صدر مملکت معذور بالاں اچ وہیل چیئرز تقسیم کیتیاں۔ ایںموقع تے سعودی عرب دے سفیر نواف سعید المالکی وی موجود ہن۔ایں توں پہلے صدر مملکت دی قیادت اچ معذور بالاں دی واک دا اہتمام کیتاگیا ،جیندے اچ صدر مملکت دی گھر آلی بیگم ثمینہ علوی وی شرکت کیتی۔
