کراچی۔20اکتوبر (اے پی پی):پاک بحریہ دے کموڈور حبیب الرحمن کوں وختی طور تے ریئر ایڈمرل دے عہدے تے ترقی ݙتی ڳئی اے ۔جاری اعلامیہ موجب ریئر ایڈمرل حبیب الرحمن 1990 اچ پاک بحریہ دی میرین انجینئرنگ برانچ اچ کمیشن حاصل کیتے۔ فلیگ آفیسر پاک بحریہ وار کالج لاہور اتے نیشنل ڈیفنس یونیورسٹی اسلام آباد دے گریجویٹ ہن۔ریئر ایڈمرل حبیب الرحمن فرانس توں ایم ایس(مکینیکل انجینئرنگ)دی ڈگری اتے برطانیہ توں سسٹم انجینئرنگ اینڈ مینجمنٹ کورس دی تعلیم حاصل کیتی اے ، انہاں دا پاک بحریہ اچ ھک شاندار کیریئر اے جیں وچ مختلف کمانڈ اتے سٹاف دیاں تقرریاں داوسیع تجربہ شامل اے۔ انہاں دی اہم کمانڈ تقرریاں اچ کمانڈنگ آفیسر فلیٹ مینٹیننس گروپ، پی این ایس حیدر ، جنرل منیجر(ٹیکنیکل)میری ٹائم ٹیکنالوجیز کمپلیکس ، ڈپٹی منیجنگ ڈائریکٹر (سپورٹ اینڈ سروسز)پی این ڈاکیارڈ اتے کمانڈنٹ پی این ایس جوہر شامل ہن ۔ نیول ہیڈ کوارٹرز اسلام آباد اچ انہاں دی اہم تقرریاں اچ ڈائریکٹر شپ مینٹیننس اینڈ ریپیرز اتے اسسٹنٹ نیول سیکرٹری (میرین انجینئرنگ)شامل ہن ایں ویلھے فلیگ آفیسرریئر ایڈمرل حبیب الرحمن کوں منیجنگ ڈائریکٹر ڈاکیارڈ (کراچی)مقرر کیتا ڳئے ۔ شاندار خدمات اتے عمدہ کارکردگی دے اعتراف اچ انہاں کوں ستارہِ امتیاز(ملٹری) نال وی نوازیا ڳئے ۔
.jpg)
