پاک فضائیہ دے سربراہ ایئرچیف مارشل سہیل امان کیتے امریکی لیجن آف میرٹ داایوارڈ

اسلام آباد ۔ 12 مارچ (اے پی پی) پاک فضائیہ دے سربراہ ایئر چیف مارشل سہیل امان کوں پیشہ وارانہ خدمتاں تے امریکی حکومت ولوں کہیں وی غیرملکی عسکری لیڈر کوں ڈتا ونجنڑ آلااعلیٰ ترین ملٹری ایوارڈ لیجن آف میرٹ ڈتا گئے جیندے کیتے ایئرہیڈکواٹرز اچ ہک تقریب تھئی۔ امریکی فضائیہ دے سربراہ ولوں کمانڈر یو ایس ایئر فورس سنٹرل کمانڈ، لیفٹینٹ جنرل جیفری ایل ہیریجین اے اعزاز پاک فضائیہ دے سربراہ کوں ڈتا۔تقریب اچ امریکی فضائیہ دے چیف آف سٹاف جنرل ڈیوڈ ایل گولڈ فین ویڈیو لنک دے ذریعے شرکت کیتی۔ ویڈیو لنک خطاب اچ امریکی فضائیہ دے سربراہ دہشت گردی دے خلاف جنگ اچ ایئرچیف دے عزم اتے پاک فضائیہ دی آپریشنل صلاحیتاں دی تعریف کیتی جیہڑیاں خطے اچ امن و استحکام دی بحالی سانگے مددگار ثابت تھین،ایئرچیف مارشل سہیل امان دے اقدامات دہشت گردی دے خلاف عالمی جنگ دی کامیابی اچ اہم کردار اداکیتے۔تقریب توں بعد امریکی کمانڈر لیفٹیینٹ جنرل جیفری ایل ہیریجین پاک فضائیہ دے سربراہ نال نال انہاں دے دفتر اچ ملاقات وی کیتی اتے ڈوہاں فضائی فوجاں وچال گانڈھے کوں ودھاونڑ تے گالھ مہاڑ کیتی۔

مضمون کا ماخذ : پاکستان کی مشہور لاٹری

متعلقہ مضامین