وفاقی کابینہ دا اجلاس، پٹرولیم بحران تے رپورٹ پیش، سینیٹ انتخابات شو آف ہینڈ نال کراوݨ کیتے الیکشن کمیشن اتے سپریم کورٹ توں رائے ڳھنݨ دا فیصلہ، وزیر اطلاعات سید شبلی فراز دی میݙیا بریفنگ

APP46-151220 ISLAMABAD: December 15 - Senator Shibli Faraz, Federal Minister for Information and Broadcasting briefing the media persons about the decisions taken in the Federal Cabinet Meeting. APP photo by Irshad Sheikh

اسلام آباد۔15دسمبر(اے پی پی)وزیراعظم عمران خان دی اڳواݨی اچ تھیوݨ آلے وفاقی کابینہ دے جلاس اچ فیصلہ کیتا ڳئے جو س??نیٹ انتخابات اچ شفافیت کیتے ووٹنگ دا عمل ہتھ کھڑے کر??ے شو آف ہینڈ نال کرایا ویسی جیندے تے عمل کیتے سپریم کورٹ نال رجوع کیتا ویسی۔ کابینہ این ایف سی ایوارڈ دا جائزہ ڳھدے اتے اجلاس اچ پٹرولیم بحران تے تحقیقاتی رپورٹ وی پیش کیتی ڳئی۔ وزیراعظم تحقیقاتی رپورٹ تے سفارشات ݙیوݨ کیتے ہک کمیٹی وی بݨا ݙتی جیندی اڳواݨی وفاقی وزیر اسد عمر کریسن۔ اے ڳالھ وفاقی وزیر اطلاعات و نشریات سینیٹر سید شبلی فراز اسلام آباد اچ میݙیا کوں کابینہ اجلاس دی کارروائی با??ے بریفنگ اچ آکھی۔ انہاں لاہور جلسے دی ناکامی تے مریم نواز ولوں میݙیا کوں دھمکیاں دی سخت مذمت کیتی اتے آکھیا جو لاہور جلسے دی ناکامی توں بعد اپوزیشن جماعتاں ہک ٻئے تے الزام لینداں ودن، اپوزیشن اپݨے آپ کوں بند گلی اچ ڳھن ڳئی اے۔انہاں آکھیا جو وزیراعظم عمران خان دی کوشش اے جو س??نیٹ انتخابات شفاف اتے ویلھے تے تھیون اے اتے انہاں تے ہارس ٹریڈنگ دا الزام نہ لگے، امید اے جو س??نیٹ الیکشن مارچ یا اوں توں وی پہلے فروری اچ تھی ونڄن۔ انہاں آکھیا جو اپوزیشن دا بیانیہ ، احتجاج اتے درامہ سارے فلاپ تھی گین،انہاں کوں سمجھ ونڄݨاں چاہیدے جو عمران خان بلیک میل تھیسن، این آر او ملسی نہ ہی لوک اپوزیشن دے نال ہین،تہوں جلسے جلوساں آلی پاݨی دی مدھاݨی نہ مارن اتے الیکشن دی تانڳھ رکھین۔ وزیراعظم عمران خان اجلاس نال خطاب اچ آکھیے جو انتخابات کیتے قانونی اصلاحات دا مقصد پورے عمل ککوں شفاف بݨاوݨ اے، سیاسی جماعتاں نال مزاکرات دے در ہر ویلھے کھلے ہین،پٹرولیم مصنوعات دی کمی با??ے انکوائری کمیشن دی سفارشات تے عملدرآمد کیتے کمیٹی دی رپورٹ تے ذمہ داراں دے خلاف سخت ایکشن ڳھدا ویسی، احساس پروگرام حکومت دی سب توں وݙی کامیابی اے اتے غربت مکاوݨ ساݙا مشن اے۔ اسلام آباد انتظامیہ کورونا پاروں غریب ریڑھی آلیاں کیتے ریڑھی با??ار لاوݨ دا کم کرے تاں جو انہاں دا روزگار چلدا راہوے۔