اسلام آباد ۔ 3 ستمبر (اے پی پی) وفاقی وزیر اطلاعات و نشریات سینیٹر شبلی فراز آکھیے جو بھارت اچ 2014ءاچ وزیراعظم نریندرا مودی دی قیادت اچ بھارتی جنتا پارٹی دے اقتداراچ آونڑ توں ہنڑ تئیں مسلماناں کیتے خطرات ودھین،بھارتی وزیراعظم دے ہندوتوا، فاشزم دے نظریات امن کیتے خطرہ ہین،مودی حکومت نسلی اتے مذہبی منافرت تے تلی ہوئی اے،اقلیتاں توں جیونڑ دا حق نئیں کھسیا ونج سگدا۔اے گالھ وفاقی وزیر اطلاعات و نشریات سینیٹر شبلی فراز” بھارت اچ اسلامو فوبیہ“بارے اسلام آباد اچ سیمینار نال خطاب کریندے آکھی۔انہاں آکھیے جو مود ی فاشسٹ آر ایس ایس دے نسلی برتری نظریے دے تحت مسلماناں اچ خوف کھنڈا تے اپنڑا ووت ودھائے،گجرات اچ مسلماناں دے قتل عام دے بعد اینجھے بندے داوزیراعظم ہوونڑ کشمیریاں ہی نئیں بھارتی مسلماناں اتے اقلیتاں کیتے سنگین خطریاں ہین،مودی کوں اسلامو فوبیہ بارے اپنڑے مذموم عزائم تے سوچنڑا چاہیدے اتے انہاں کوں عالمی امن کوں داتے نئیں لاونڑاچاہیدے،نتاں ہک وڈاانسانی بحران آ سگدے،مودی مسلماناں دی تریخ مٹاونڑ،مذہبی آزادی کھسنڑ،سیاسی و سماجی سنجانڑمکاونڑاتے بطور اقلیت حقوق توں محروم کرنڑ چاہندے تہوں مسلماناں دی بھارت اچ حالت بہوں خراب اے۔انہاں آکھیے جو آبادی دا تناسب وٹاونڑ دی کوشش،متنازعہ ڈومیسائل اتے پراپرٹی قوانین نافذغیر قانونی ہین، انسانی حقوق دی خلاف ورزیاں،گرفتاریاں اتے ماورائے عدالت قتل عام تے عالمی برادری نوٹس گھنے۔
.jpg)
.jpg)
