اسلام آباد ۔یکم ستمبر (اے پی پی) باہرلے ملکاں اچ راہونڑآلے پاکستانیاں مالی سال17٫2016ء دے پہلے مہینے جولائی اچ 1328.18 ملین امریکی ڈالر وطن پٹھے ہن ، جڈانجو گزریل سایں دی ایں مدت اچ 1663.61 ملین ڈالر موصول تھئے ہن ۔ سٹیٹ بینک آف پاکستان ولوں جاری کیتے گئے اعداد و شمار دے مطابق جولائی 2016ء دے دوران کارکناں دی ترسیلات زردی مالیت1328.18 ملین ڈالر ہئی جیہڑی جو جون 2016ء دے مقابلے اچ 36 فیصد اتے جولائی 2015ء دے مقابلے اچ 20.16 فیصد گھٹ ہے ۔ ملک دے لحاظ نال ملک جولائی 2016ء دی تفصیلات توں پتہ چلدے جو سعودی عرب، متحدہ عرب امارات، امریکہ، برطانیہ، خلیج تعاون کونسل دے ملکاں بشمول بحرین، کویت، قطر اتے عمان اتے یورپی یونین دے ملکاں توں بالترتیب 378.69 ملین ڈالر،293.72 ملین ڈالر، 169.68 ملین ڈالر،143.61 ملین ڈالر، 169.61 ملین ڈالر اتے 35.74 ملین ڈالر پاکستان پٹھے گئے ہن جڈانجو جولائی 2015ء اچ انہاں ملکاں اچوں آونڑآلی رقوم بالترتیب 474.42 ملین ڈالر، 367.51 ملین ڈالر، 255.32 ملین ڈالر، 232.33 ملین ڈالر، 197.86 ملین ڈالر اتے 32.5 ملین ڈالر ہن ۔ جولائی 2016ء دے دوران ناروے، سوئٹزر لینڈ، آسٹریلیا، کینیڈا، جاپان اتے بئے ملکاں اچوں آونڑآلیاں ترسیلات زر مجموعی طور تے 137.13 ملین ڈالر رہن ،جڈانجو جولائی 2015ء اچ انہاں ملکاں اچوں 103.67 ملین ڈالر موصول تھئے ہن ۔
.jpg)
.jpg)
