سیلاب توں متاثر تھیوݨ آلے ڈاک خانیں دی بحالی تے اپ گریڈیشن کیتے اقدامات کیتے ویندے پئن ، ڈائریکٹر جنرل پوسٹ

اسلام آباد۔3اکتوبر (اے پی پی):ڈائریکٹر جنرل پاکستا?? پوسٹ حسن اختر رانا آکھیے جو سیلاب توں متاثر تھیوݨ آلے ڈاک خانیں دی بحالی تے اپ گریڈیشن کیتے اقدامات کیتے ویندے پئن ، پاکستا?? پوسٹ دی کارکردگی اچ بہتری ??ھن آوݨ کیتے کوششاں جاری ہن ، اے ڳالھ انہاں پاکستا?? پوسٹ دی کارکردگی دے جائزہ اجلاس اچ ڳالھ مہاڑ کریندے ہوئیں آکھی اے ، اجلاس اچ ایڈیشنل ڈی جی حافظ شکیل اتے پوسٹ ماسٹر جنرل ذوالفقار حسین شرکت کیتی۔ ایں موقع تے متعلقہ پوسٹل سرکلز دی طرفوں پاکستا?? پوسٹ دی کارکردگی متعلق بریفنگ ݙتی ڳئی تے اڄوکے سیلاب دے دوران ادارے دی پیشہ ورانہ کارکردگی تے روشنی پاتی ۔ سیلاب دے دوران پاکستا?? پوسٹ دی ترسیل دی تعریف کریندے ہوئیں ڈائریکٹر جنرل پاکستا?? پوسٹ آکھیے جو پاکستا?? پوسٹ دے منی آرڈر اتے کوریئر دی ترسیل دی قیمت ٻئی سروسز دے مقابلے اچ ٻہوں گھٹ اے جݙاں جو منی آرڈر دی ترسیل قلیل ترین مدت اچ عمل اچ گھن آئی ونڄ سڳدی اے ۔ انہاں مزید آکھیے جو سیلاب پاروں متاثر تھیوݨ آلے ڈاک خانیں دی بحالی کیتے وختی اقدامات کیتے ویندے پئن ۔