اسلام آباد۔23مئی (اے پی پی) وزیر اعظم محمد شہباز شریف ہدایت کیتی جو آئندے وفاقی بجٹ اچ عام بندے کوں ریلیف ݙیوݨ بارے ہرممکن اقدامات کیتے ونڄن اتے متوسط طبقے دی مالی اوکھ اچ ڳھٹکی کیتے سارے وسائل لاتے ونجن۔ پنشن ریفارمز کوں جلدی چھیکڑی شکل ݙتی ونجے۔ تخلیقی طریقہ کار استعمال کر تے پنشن فنڈ قائم کیتا ونڄے۔ محصولات ودھاوݨ کیتے ٹھوس اقدامات کیتے ونجن اتے ٹیکس نیٹ اچ ودھارا کیتا وںجے اتے وزیراعظم کوں ݙسیا ڳیا تاں آندے مالی سال دا بجٹ وفاقی کابینہ توں منظوری دے بعد 9 جون 2023 کوں پیش کیتا ویسی۔ وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت مالی سال 2023-24 دے بجٹ دی تیاری بارے اہم اجلاس منگل کوں اسلام آباد اچ تھیا۔ اجلاس اچ معاشی ٹیم ولوں وزیراعظم کوں بجٹ دی تیاریاں بارے بریفنگ ݙتی ڳی۔ اجلاس دے شرکاء نال ڳالھ مہاڑ کریندیں ہوئیں وزیراعظم آکھیا جو آئندے وفاقی بجٹ اچ عام بندے کوں ریلیف ݙیوݨ بارے ہرممکن اقدامات کیتے ونڄن۔اجلاس کوں ݙسیا ڳیا جو آندے مالی سال دا بجٹ وفاقی کابینہ توں منظوری دے بعد نو جون 2023 کوں پیش کیتا ویسی۔ اجلاس اچ وفاقی وزیر خزانہ و محصولات اسحاق ڈار، وفاقی وزیر دفاع خواجہ آصف، وفاقی وزیر داخلہ رانا ثنا اللہ ، وفاقی وزیر منصوبہ بندی احسن اقبال ،وزیراعظم دے مشیر احد چیمہ ،وزیر مملکت پیٹرولیم مصدق ملک،وزیراعظم دے معاونین خصوصی ڈاکٹر جہان زیب خان،ملک احمد خان ،طارق پاشا،طارق باجوہ ،عطا اللہ تارڑ ،رکن قومی اسمبلی قیصر احمد شیخ،چیئرمین فیڈرل بورڈ آف ریونیو اتے متعلقہ اعلیٰ سرکاری افسرشریک تھیے۔
