بیجنگ۔3اپریل(اے پی پی):وفاقی وزیر منصوبہ بندی، ترقی تے خصوصی اقدامات پروفیسر احسن اقبال آکھیے ملک دی معاشی ترقی کیتے ٻاہرلے ملک پاکستانی اہم کردار ادا کرسڳدن ،معیشت دی بحالی کیتے حکومت اصلاحاتی اقدامات شروع کیتن ۔ اے ڳالھ انہاں چین اچ رہݨ آلے پاکستانیاں دے نال مذاکراتی سیشن توں خطاب کریندے ہوئیں آکھی اے ۔وزیر ملک دی معاشی نمو تے ترقی اچ ٻاہرلے ملک رہݨ آلے پاکستانیاں دے تعاون دی تعریف کریندے ہوئیں آکھیے جو تارکین وطن موجودہ حکومت دی اقتصادی بحالی دے حوالے نال جیڑھا ایجنڈا شروع کیتے ایں اچ آپݨا حصہ پاوݨا چاہپیدے ، انہاں پاکستان دی معیشت دی بحالی کیتے حکومت دے اصلاحاتی اقدام بارے ݙسایا جو معیشت کوں مستحکم کرݨ کیتے حکومت دیاں کوششاں کوں واضح کریندے ۔ برآمد کوں ترجیح ݙے تے نینگراں کوں بااختیار بݨا تے ڈیجیٹل ٹیکنالوجیز اچ پاکستان دی صلاحیت تے توجہ مرکوز کرݨ کیتے ای پاکستان کوں ودھارا ݙے تے ، موسمیاتی تبدیلیاں نال نبݨݨ کیتے ماحول دی حفاظت تے پاݨٰی تے خوراک دی حفاظت کوں یقینی بݨاوݨ ، توانائی دے شعبے کوں سستی بݨاوݨ کیتے ترقی کرݨ تے فوسل فیول توں قابل تجدید ذرائع دے پاسے منتقل کرݨ ، تعلیم، صحت دے ذریعے ملک اچ مساوات کوں ودھارا ݙیوݨ تے تکھے ترقی کیتے غریب علاقیں بہتر بݨاوݨا اے، وزیر چین تے پاکستان وچال اقتصادی اتے تجارتی تعلقات کوں ودھاوݨ اچ چین پاکستان اقتصادی راہداری (CPEC) دے تبدیلی دے اثرات تے زور ݙتا ایں منصوبے توں پاکستان اچ پائیدار اقتصادی ترقی کوں ودھارا تھیسی ۔
